منتديات أحلى شقاوة
أهـلا ومـرحبـا...
تفـضلو بالإشـتراك والتسجـيل معنـا..لكي نعـرف مدى ابداعـاتك من واجـبك التسجيـل والمرح والفـرح الدائـم..قد تراه هنـا أو هنـاك ..ولكن هنـاك الأفـضل ..واذا كنت منـهم فسجـل واستعـجـل مع تحيـات المـدير..أثيـر الأحـزان


منتدياتنـا..منتديات لأفضل الأعضاء يأتون بأفضل المواضيع..والمتعة والمرح الدائم..
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 قصة طريـفة و واقعيـة (أكشـن..مغـامرة..الى المستشفـى)

اذهب الى الأسفل 
كاتب الموضوعرسالة
أثير الأحزان
..,،×(المدير العام)×،,..
..,،×(المدير العام)×،,..
avatar

عدد المساهمات : 341
نقاط : 1433
تاريخ التسجيل : 25/03/2010
العمر : 23
الموقع : منتديات أحلى شقاوة

مُساهمةموضوع: قصة طريـفة و واقعيـة (أكشـن..مغـامرة..الى المستشفـى)   الأربعاء مارس 31, 2010 3:37 am

مريض بالمستشفى كل ما يطلع أحد من عنده يـضحك
(( قصة طريـفة و واقعيـة ))
جلس ذلك الرجل على السرير الأبيض ...
في إحدى المستشفيات في بلدنا الحبيب .
وكان كل جسمه شاش ورجلينه كلها جبس
وما تسمع إلا الآهات
ماغير يحن ويون من الأوجاع اللي فيه
عاد أنا قلت يمكن إنه مسوي حادث قوي
أو إنه محترق أو أو أو ... إلخ
المهم جت الساعه 4 العصر
وبدأ وقت الزياره
أنا أستغربت من شي غريب مره
كل من جاء يزور هالشخص يطلع من عنده ميت من الضحك
أنا جاني الفضول وقلت وش السالفه ؟
وعلى هالحال كل من جاء وسلم عليه ما تسمع إلا ضحكهم من وراء الستاير
أنا قلت لازم أعرف وش السالفه ...
انتهى وقت الزياره
وأنقز له على طول !
وأتشافا له وأقوله الحمد لله على السلامه
عسى ماشر ومن هالكلام
وأنا كل همي أعرف ليش يضحكون ؟
المهم قلت له : أنا أشوف اللي يجونك ما يرحون من عندك إلا و ضحكهم واصل آخر المستشفى !
قال لي : هههههههههه ليـش عاد أنت حاسدنا على الضحكه ؟
قلت له : لا يـاخوي مو كذا السالفه والله لو عندك مليون كان يمكن أحسدك !
بس إضحكوا عادي خذوا راحتكم بس بغيت أعرف السر يعني ؟
إذا ما عندك مانع .
قال لي : طيـب ولا يهمك ... أنت مثل ما تشوفني مكسر ومربط بالشاش .
قلت له : أيـوه والله ... الله يشفيك .
قال لي : يا طويل العمر أنا ساكن في شقه في الدور الثاني ، وعندي بلكونه مامن زيـنها ،
وإذا نمت فتحت باب البلكونه وطفيـت النور وتسدحت على السرير .
ويوم نمت على السرير . وغصت في أعماق أعماق نومي ،
حلمت اني في يوم القيامه ! وحلمت مثل ما تقول ان الناس في مكان مثل موقف الباصات
وفيه باصات رايحه للجنه وباصات رايحه للنار !!!
المهم الجماعه ينادون بالأسامي .. فلان بن فلانه باص النار ... فلان بن فلان باص الجنه ..
وهكذا ...
فلان بن فلانه .. هاه هذا أسمي .. وقلبي يـدق و يـدق .. روح باص الجنه .. اوووه الحمدلله أرتحت .
ومشيـت أدور على الباص اللي مكتوب عليه إلى الجنه ... وحصلته ودخلت فيه .
مشيـنا بالباص وبعد فترة جاتنا لوحه مكتوب عليها
(( الجنه 50 كيلو )) ، (( النار 100 كيلو ))
وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني .
شوي وشفت النار 15 كيلو ... وبعد شوي النار 10 كيلو ... وكل شوي نقرب من النار .
يا رجال وش السالفه .. المشكله الناس ساكتيـن وما أحد قلقان في الباص إلا أنا .
قلت بدخل عالسواق وشفته معطيني ظهره ... هي أنت وين رايح ؟
قال لي بدون ما يلتفت : رايح النار يا حبيبي .
قلت له : أنا من أهل الجنه .. وليـش توديني النار يا وجه النحس ؟!
وألتفت لي ... طلع هو إبليس !!!
الله يلعنك . أنا من أهل الجنه .. يا ملعون لا توديني النار .. أنا من أهل الجنه .
والله العظيم إني من أهل الجنه ، تو من شوي قايلين إسمي ، وقف يا ملعون ، وقف يا ملعون .
وهذا أنا أصارخ ... وهو بأنواع الضحكات الشريره هاهاها ... هاهاها ... هاهاها ...
قلت له : يا ملعون وقف !!! أبي أنزل !!!
قال : والله الباص هذا مبرمج على انه ما يوقف إلا في النار ...
تبي تنزل أقفز منه .
وركضت على الباب وفتحته ... وهوووب
ولا وعيت إلا في المستشفى ... قافز من البلكونه ... في الحوش !
القصة حقيقيه ... وحصلت لواحد كان منوم في مستشفى المجمعة العام
دخيلكم لا أحد يحلم تعوذوا من إبليس قبل تنامون ,
واللي يبي يحلم يقفل باب البلكونه ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://7o0y.yoo7.com
القلب السموحي
عضـو الإمتيـاز
عضـو الإمتيـاز
avatar

عدد المساهمات : 185
نقاط : 192
تاريخ التسجيل : 03/04/2010

مُساهمةموضوع: رد: قصة طريـفة و واقعيـة (أكشـن..مغـامرة..الى المستشفـى)   الأحد أبريل 04, 2010 1:51 pm

هههههههههه
الله لا يبتلينا
مشكوووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احاسيس بحرية
الـمدـيــــــــرة العـــامـة احــاسيــس بحريـة
الـمدـيــــــــرة العـــامـة احــاسيــس بحريـة


عدد المساهمات : 129
نقاط : 133
تاريخ التسجيل : 27/03/2010

مُساهمةموضوع: رد: قصة طريـفة و واقعيـة (أكشـن..مغـامرة..الى المستشفـى)   الخميس أبريل 22, 2010 3:35 pm

أعوذ بالله من الشيطان الرجيم
القصه يقشعر منها الجسم خوف
اللهم اجعلنا من اصحاب الجنه واصحاب اليمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة طريـفة و واقعيـة (أكشـن..مغـامرة..الى المستشفـى)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أحلى شقاوة :: المنتديات الأدبية :: أروع القصص والروايات والحكايات-
انتقل الى: